Beidh cuntas MyGovID fíoraithe uait chun an tseirbhís seo a úsáid.
Cad is achomharc ann?
Mura n-aontaíonn tú le cinneadh a rinne an Roinn Coimirce Sóisialaí, is féidir leat a iarraidh go ndéanfaí an cinneadh a sheiceáil arís. Tugtar achomharc a dhéanamh ar seo. Tá Oifig na nAchomharc Leasa Shóisialaigh freagrach as seiceáil an raibh cinneadh a rinneadh ar theidlíochtaí leasa shóisialaigh ceart. Is féidir tuilleadh eolais faoin bpróiseas achomhairc a fháil anseo.
Cad is féidir liom achomharc dhéanamh air?
Mura n-aontaíonn tú le cinneadh a rinne an Roinn Coimirce Sóisialaí, is féidir leat a iarraidh go ndéanfadh Oifigeach Achomhairc an cinneadh a sheiceáil arís. Is féidir leat féachaint ar liosta cinntí ar féidir achomharc a dhéanamh ina leith ag www.gov.ie/swao.
An féidir le duine éigin ionadaíocht a dhéanamh dom le linn an achomhairc?
Féadfaidh duine éigin gníomhú ar do shon le haghaidh d'achomhairc. Tugtar ionadaí ar an duine seo. D'fhéadfadh d'ionadaí a bheith ó eagraíocht ar nós na Seirbhíse um Fhaisnéis do Shaoránaigh, seirbhís cearta leasa nó d'fhéadfadh sé/sí a bheith ina c(h)ara nó ina b(h)all teaghlaigh atá 18 mbliana d'aois nó níos sine.
Más mian leat ionadaí a chur isteach, beidh ort litir atá sínithe agat féin a chur ar fáil ina mbeidh sonraí an duine ar mian leat gníomhú ar do shon. Beidh ort a n-ainm, an eagraíocht ina n-oibríonn siad (más infheidhme), a seoladh poist, a seoladh ríomhphoist agus a n-uimhir theileafóin a thabhairt. Nó is féidir leat an litir leis na sonraí seo a chur sa phost chuig Oifig na nAchomharc Leasa Shóisialaigh más fearr leat.
Cad is gá dom a dhéanamh chun achomharc a dhéanamh?
Na forais nó na cúiseanna le d'achomharc a dhéanamh
Tabhair, le do thoil, na cúiseanna nach n-aontaíonn tú leis an gcinneadh a bhfuil tú ag déanamh achomhairc ina choinne
Liosta na ndoiciméad a thacaíonn le d'achomharc
Liostaigh na doiciméid atá á n-uaslódáil agat chun tacú leis na cúiseanna atá agat le d'achomharc
Is é an bealach is éasca le hachomharc a dhéanamh ná ar MyWelfare. Is féidir leat achomharc a dhéanamh freisin tríd an bpost. Tabhair cuairt ar an láithreán gréasáin www.gov.ie/swao chun eolas a fháil ar conas achomharc a dhéanamh tríd an bpost.
Beidh cuntas MyGovID fíoraithe uait chun an tseirbhís seo a úsáid.