Uimhir Phearsanta Seirbhíse Poiblí (PSP)

Chun iarratas a dhéanamh ar Uimhir PSP ní mór duit na critéir seo a leanas a chomhlíonadh:

• Níor eisíodh Uimhir PSP chugat roimhe seo.
• Tá tú i do chónaí in Éirinn nó tá seoladh Éireannach agat.
• Tá cúis bhailí agat le hiarratas a dhéanamh. Mar shampla, d’fhéadfadh sé go mbeadh Uimhir PSP ag teastáil uait chun cáin a íoc agus tú ag tosú ar phost. Má tá iarratas á dhéanamh agat ar son do linbh, d’fhéadfadh sé go mbeadh Uimhir PSP ag teastáil ón leanbh sin chun tosú ar scoil. Ní gá Uimhir PSP a bheith agat más rud é nach ach ag lorg oibre atá tú.

Faigh tuilleadh eolais ag gov.ie faoi cathain a theastaíonn Uimhir PSP.

Is féidir leat iarratas a dhéanamh duit féin nó do do leanbh. Is féidir leat iarratas a dhéanamh ar do shon féin agus ar son do linbh ag an am céanna freisin. 

Má tá tú ag filleadh ar Éirinn, b’fhéidir go bhfuil Uimhir PSP agat cheana féin, mar sin ní gá duit iarratas a dhéanamh ar cheann nua.

Taispeántar an Uimhir PSP ar na doiciméid seo a leanas:

• Cárta Seirbhísí Poiblí nó Cárta Seirbhísí Sóisialta
• Cárta leighis nó cárta cuairte DG
• Cárta Eorpach um Árachas Sláinte
• Cárta na Scéime Íocaíochtaí Drugaí
• Litreacha ón Roinn Coimirce Sóisialaí nó na Coimisinéirí Ioncaim
• Duillíní pá ó d’fhostóir in Éirinn 

Mura féidir leat d'Uimhir PSP a aimsiú ar aon cheann de na doiciméid sin, is féidir leat teagmháil a dhéanamh le d’ionad Intreo áitiúil nó le d’oifig bhrainse Leasa Shóisialaigh áitiúil chun í a sheiceáil.

Tabhair faoi deara go mbeidh coinne i bpearsa ag teastáil le haghaidh d’iarratais Uimhir PSP. Ní mór duit an t-iarratas ar líne a chomhlánú ina iomláine.  Déanfaidh An Roinn Coimirce Sóisialaí athbhreithniú ar d’iarratas agus déanfaidh siad teagmháil leat maidir le sonraí do choinne i bpearsa.