Liúntas Cúraim Bhaile

Tá incháilitheacht don Liúntas Cúraim Bhaile bunaithe ar leibhéal an chúraim agus na haire a dteastaíonn ón leanbh mar gheall ar a míchumas nó a mbreoiteacht. Níl sé bunaithe ar an gcineál míchumais nó breoiteachta atá ar an leanbh.

Chun cáiliú don Liúntas Cúraim Bhaile, ní mór don leanbh:

• a bheith faoi bhun 16 bliana d'aois
• a bheith ina gcónaí in Éirinn;
• míchumas trom a bheith orthu ar dócha go gcuirfidh sé isteach orthu ar feadh 12 mhí ar a laghad
• bhfad níos mó cúraim agus aire leanúnaí a bheith de dhíth orthu i gcomparáid leis an gcúram agus an aire a theastaíonn ó leanbh den aois chéanna de ghnáth
• cónaí a bheith orthu leis an duine a bhfuil Liúntas Cúraim Bhaile á éileamh acu ar feadh 5 lá sa tseachtain ar a laghad.Tá roinnt eisceachtaí ann, mar shampla mura bhfuil tuismitheoirí an linbh ina gcónaí le chéile nó má fhreastalaíonn an leanbh ar chúram cónaitheach go páirtaimseartha. 

Ní mór don duine a bhfuil Liúntas Cúraim Bhaile á éileamh acu:

• cúram a sholáthar don leanbh
• cónaí rialta a bheith orthu i bPoblacht na hÉireann

Níl aon choinníollacha ÁSPC ann don Liúntas Cúraim Bhaile agus ní dhéantar tástáil acmhainne air. Is féidir leat tuilleadh eolaisar cé atá incháilithe don Liúntas Cúraim Bhaile a fháil ar gov.ie.

Iarr ar dhochtúir teaghlaigh nó ar speisialtóir leighis an linbh an Fhoirm Leighis don Liúntas Cúraim Bhaile a chomhlánú (DCAMed1)

Ní dhéanfar d’iarratas a mheas muna bhfuil Foirm Leighis Liúntais Cúraim Baile (DCAMed1) ina theannta. Tá an fhoirm DCAMed1 ar fáil le híoslódáil ar gov.ie.

Tá trí bhealach ann d’Fhoirm Leighis don Liúntas Cúraim Bhaile (DCAMed1) a chur isteach:
1.    An fhoirm a huaslódáil le d’iarratas
2.    An fhoirm a huaslódáil ar an tseirbhís Bainistigh m’Éileamh ar dheais do chuntais MyWelfare. Beidh sé seo ar fáil tar éis duit d’iarratas a chur isteach.
3.    An fhoirm a sheoladh chuig an seoladh thíos

Seoladh poist:
Rannóg an Liúntais Cúram Baile,
Foirgnimh Rialtais an Roinn Coimirce Sóisialaí, 
Bóthar Bhéal Átha na Lao,
An Longfort,
N39 E4E0

Nóta tábhachtach: 

Is é bealach is tapa chun cinneadh a fháil maidir le d’éileamh ná an fhoirm DCAMed1 a uaslódáil i dteannta d’iarratais ar líne. Má roghnaíonn tú an fhoirm sin a uaslódáil nó a chur sa phost tar éis duit d’iarratas ar líne a chur isteach, beidh moill maidir leis an bpróiseáil agus le cinneadh a dhéanamh. Mura gcuirtear foirm DCAMed1 ar fáil taobh istigh de 21 lá tar éis duit d’iarratas ar líne a chur isteach, déanfar d’éileamh a tharraingt siar agus beidh ort tús a chur le hiarratas nua.

Is féidir leat tuairiscí breise ó theiripeoirí, speisialtóirí nó comhairleoirí a uaslódáil nó a phostáil freisin, má tá siad agat.

Ní féidir ach comhaid PDF amháin a uaslódáil mar chuid den iarratas seo. Ní féidir comhaid níos mó ná 10MB a uaslódáil. Mura bhfuil rochtain agat ar scanóir, lean na treoirlínte thíos le PDF a chruthú le d’fhón cliste.

D’fhón cliste a úsáid chun PDF a chruthú:

Scan na doiciméid chun PDF a chruthú le Android – Doiciméad a scanadh le fón Android chun doiciméid a uaslódáil chuig MyWelfare

Scan na doiciméid chun PDF a chruthú le iPhone – Doiciméad a scanadh le iPhone chun doiciméid a uaslódáil chuig MyWelfare

Tá tuilleadh eolais maidir le conas doiciméad a ullmhú agus a uaslódáil ar fáil ar gov.ie.