Leathanach Slándála MyWelfare

Tá slándáil ar láithreán gréasáin MyWelfare thar a bheith tábhachtach i gcónaí. Tógadh MyWelfare ón mbun aníos agus aird ar shlándáil agus tá ár dteicneolaíochtaí agus ár gcleachtais slándála ag forbairt i gcónaí.

Tá sé tugtha le fios don Roinn Coimirce Sóisialaí go bhfuair roinnt daoine den phobal teachtaireachtaí téacs ar a gcuid fón póca ó uimhir anaithnid, a mhaíonn gur ón Roinn iad.

Nuair a chliceálann an duine ar an nasc, tugtar chuig láithreán iad a cruthaíodh go sonrach le breathnú díreach cosúil le láithreáin ghréasáin MyWelfare nó MyGovID na Roinne. Iarrtar ar an duine ansin a Ainm, PPSN agus a Chuntas Bainc a sholáthar.

Is camscéimeanna sofaisticiúla iad seo. Iarraimid ar ár gcustaiméirí a bheith aireach agus éilimh á mbainistiú ar líne acu agus a chinntiú go bhfuil láithreáin ghréasáin oifigiúla na Roinne á n-úsáid acu.

Is iad seo a leanas na príomhtháscairí gur camscéim atá i gceist:

• Bíonn an teachtaireacht scríofa go dona. Nuair atá fioscaireacht nó smioscaireacht á cruthú, úsáidfidh caimiléirí seiceálaí litrithe nó meaisín aistriúcháin, a thabharfaidh na focail chearta dóibh ach ní bhíonn siad sa chomhthéacs ceart go minic. Bí ag faire amach do bhotúin ghramadaí, ní amháin botúin litrithe
• Bíonn an t-ainm fearainn litrithe mícheart sa teachtaireacht (my-welfare.id). Cé go gcaithfidh gach ainm fearainn a bheith uathúil, tá go leor bealaí ann chun seoltaí a chruthú atá deacair a idirdhealú ón gceann atá á bhréagnú.
• Bíonn práinn i gceist. Is minic a dhéanann teachtaireachtaí nó ríomhphoist bhréige iarracht práinn a chruthú.

Tá sé tábhachtach a chuimhneamh, ní dhéanfaidh MyGovID an méid seo a leanas go deo

• Téacs nó ríomhphost a sheoladh chugat le nasc díreach chuig an leathanach logála isteach nó an leathanach tacaíochta chun do chuid sonraí a dhearbhú
• Téacs nó ríomhphost a sheoladh chugat le nasc díreach chun d’fhaisnéis phearsanta nó airgeadais a iontráil
• Iarradh ort cliceáil ar nasc i r-phost le rabhadh práinneach faoi ghníomhaíocht amhrasach ar do chuntas

Tá d’fhaisnéis phearsanta mar chuid de d’aitheantas. Seo roinnt leideanna chun fanacht sábháilte ar líne agus d’fhaisnéis phearsanta a chosaint:

• Bí cúramach agus tú ag cliceáil ar hipearnasc atá leabaithe i dteachtaireacht téacs nó i ríomhphoist.
• Coinnigh d’fhaisnéis phearsanta agus do phasfhocal slán. Moltar gan do phasfhocal a roinnt le daoine eile agus phasfhocail a athrú go rialta.
• Caith go cúramach le hiarrataí ar fhaisnéis phearsanta. Bí ar d'fhaichill faoi ghlaonna bréige a mhaíonn gur ó MyWelfare nó ó aonán rialtais iontaofa eile iad.
• Súiteáil bogearraí frithvíreas ar gach gléas agus socraigh na bogearraí chun nuashonruithe a sheiceáil gach lá go huathoibríoch.
• Bíodh slándáil sonraí mar thosaíocht laethúil, cleachtaigh cibear-shláinteachas agus déan athbhreithniú leanúnach ar do nósanna slándála

Chun a chinntiú gur féidir leat rochtain a fháil ar sheirbhísí le muinín iomlán, úsáideann MyWelfare na leibhéil is airde slándála tionscalchaighdeánach. Seo a leanas cuid de na bearta a dhéanaimid:

Slándáil Ar Líne:

Tá ár láithreán gréasáin criptithe chun d’fhaisnéis phearsanta a chosaint.

Úsáidimid ballaí dóiteáin freisin (bacainn idir an t-idirlíon agus ár líonra inmheánach) lena chinntiú go gcosnaítear d’fhaisnéis phearsanta ó chibear-ionsaithe.

Fíordheimhniú Dhá Fhachtóir:

Úsáidfidh custaiméirí a bhfuil cuntas fíoraithe MyGovID acu fíordheimhniú dhá fhachtóir. Gach uair a dhéanann custaiméir fíoraithe iarracht logáil isteach i seirbhís ag baint úsáide as MyGovID, a phasfhocal a athrú, a uimhir theileafóin a nuashonrú nó a chuntas a aisghabháil, seolfar teachtaireacht téacs chuig a uimhir theileafóin fíoraithe. Cuireann sé seo sraith bhreise slándála leis agus laghdaíonn sé an dóchúlacht gur féidir le droch-aisteoir aithris a dhéanamh ort agus rochtain a fháil ar do chuntas

Níl fíordheimhniú dhá fhachtóir ar fáil faoi láthair do chustaiméirí a bhfuil cuntas bunúsach MyGovID acu. Molaimid do gach custaiméir a bhfuil cuntas bunúsach acu a gcuntas MyGovID a fhíorú anois ionas gur féidir leat slándáil do chuntas a fheabhsú agus rochtain a fháil ar sheirbhísí breise.  

Má fhaigheann tú teachtaireacht téacs, r-phost nó glao gutháin gan iarraidh ag maíomh gur ó MyWelfare í a bhfuil amhras ort go bhfuil calaois i gceist, glaoigh orainn ar 076 628 5191 nó seol ríomhphost chuig support@mywelfare.ie.