Déan iarratas anois

Beidh cuntas MyGovID fíoraithe uait chun iarratas a dhéanamh. Mura bhfuil cuntas MyGovID fíoraithe agat is féidir leat ceann a chruthú anseo.

Cad é an Pacáiste Sochar Teaghlaigh?

Is éard é an Pacáiste Sochar Teaghlaigh ná pacáiste liúntas a chabhraíonn leat leis na costais a bhaineann le do theaghlach a rith Caithfidh tú a bheith i do chónaí go hiomlán i bPoblacht na hÉireann chun an liúntas seo a fháil agus ní féidir ach le ball amháin de theaghlach cáiliú do Shochair Teaghlaigh. Tá dhá liúntas i gceist: an Liúntas Leictreachais nó Gáis agus an Ceadúnas Teilifíse Saor In Aisce.

Cé atá in ann sochair teaghlaigh a fháil?

D'fhéadfá Sochair Teaghlaigh a fháil:

  • Má tá tú os cionn 70 bliana d'aois
  • Má tá tú idir 66 agus 70 bliain d’aois agus Pinsean Stáit á fháil agat
  • Tá tú idir 66 agus 70 bliain d’aois agus ní fhaigheann tú Pinsean Stáit, ach sásaíonn tú tástáil acmhainne
  • Tá tú faoi 70 bliain d’aois agus Pinsean/Sochar Slandála Sóisialta den chinéal céanna á fháil agat ó thír eile. Foghlaim níos mó faoi na tíortha faoi leith atá san áireamh.
  • Tá tú faoi 66 agus ceann de na híocaíochtaí seo a leanas á fháil agat Liúntas Míchumais, Pinsean Easláine, Pinsean na nDall nó
    Forlíonadh Éagumais le Sochar Míchumais.
  • Tá tú os cionn 60 bliain d’aois agus Pinsean Baintrí Garda á fháil agat.
  • Is baintreach nó páirtnéir sibhialta marthanach thú  idir 60 agus 65 bliain d'aois, agus bhí Sochair Theaghlaigh á bhfáil ag do chéile nó do pháirtnéir sibhialta nach maireann
  • Tá Liúntas Cúramóra á fháil agat i leith duine a bhfuil tú i do chónaí leis agus a bhfuil tú ag tabhairt aire dó

Nóta Tábhachtach

  • Mar chuid den Phacáiste Sochair Teaghlaigh, is féidir leat iarratas a dhéanamh ar an Liúntas Leictreachais nó ar an Liúntas Gáis mar aon leis an gCeadúnas Teilifíse Saor in Aisce.
  • Níl ach Pacáiste Sochair Teaghlaigh amháin iníoctha in aghaidh an teaghlaigh.

Cad faoi a gceisteofar thú?

Sonraí faoi do staid mhaireachtála

Beidh ort a sheiceáil an bhfuil do sheoladh cothrom le dáta agus má tá cónaí ort le duine a bhfuil tú ag tabhairt aire dó beidh ort a Uimhir PSP a sholáthar.

Do stádas caidrimh

Beidh ort do stádas caidrimh a sholáthar agus b’fhéidir go mbeidh ort UPSP do pháirtí a sholáthar.

Do shonraí leictreachais/gáis agus ceadúnais teilifíse

Beidh ort do MPRN leictreachais nó GPRN gáis a sholáthar. Seans go mbeidh ort d’Uimhir Thagartha Ceadúnais Teilifíse a sholáthar freisin, nuair is cuí

Do chuid sonraí íocaíochta

Beidh ort sonraí a sholáthar faoin gcuntas bainc ar mhaith leat go n-íocfaí d'íocaíocht isteach ann, nó an oifig phoist le gur féidir leat d'íocaíocht a bhailiú.
Sochair Teaghlaigh
Déan iarratas anois

Beidh cuntas MyGovID fíoraithe uait chun iarratas a dhéanamh. Mura bhfuil cuntas MyGovID fíoraithe agat is féidir leat ceann a chruthú anseo.